Hemşaredarê Şaredarîya Amedî ya Şaristanê Girdî Serra Bucak û Dogan Hatunî, Amfî Tîyatroyî ke Cayê Ciwîyayîşê Pîyayî yê Sumerparkî de veng verdîyayo, ca de sextî kerd û waşt ke xebatî destpê bikerê seba ke uca reyna bibo aktîf.

Hemşaredarê Şaredarîya Şaristanê Girdî Serra Bucak û Dogan Hatunî, Cayê Ciwîyayîşê Pîyayî yê Sumerparkî de Serekîya Daîreya Xizmetanê Sosyalan û Serekîya Daîreya Ciwanî û Sporî de tayê yewîneyî zîyaret kerdî. Sekretero Pêroyî Emrullah Gorduk, Hetkarê Sekreteryaya Pêroyî Aziz Ozdogan û Ozgur Yildiz û serekê daîreyanê eleqedaran hemşaredaran reyde bîyî.

Amfî Tîyatro do reyna bibo aktîf

Hemşaredaran ke yewîneyî zîyaret kerdî, dima şîyî Amfî Tîyatro ke Cayê Ciwîyayîşê Pîyayî yê Sumerparkî de veng verdîyayo.

Hemşaredaran ke Amfî Tîyatro de sextî kerd, seba ke Amfî Tîyatro tamîr û newekerdişî ra dima reyna aktîf bibo, yewîneyê eleqedaran wezîfedar kerdî. Hemşaredaran waşt ke xebatanê tamîr û newkerdişî de şarê ma yê astengdarî nêrê xo vîrrakerdene.