Şaredarîya Amedî ya Şaristanê Girdî bi çalakîya xo ya “Gedeyan Reyde Kuçeyê Keyfî” gedeyan resimî viraştî û Girê Çewressîwaran de vafirokî firrnayî.

Serekîya Daîreya Xîzmetanê Sosyalî bi Mudirîya Şubeyê Gedeyan 3 rojî may, pî û gedeyan reyde keyf kerd. Sumerpark, Şilbê û Girê Çewressîwaran de çalakîyê cîya-cîyayî kerdî. Gedeyî bi mamostayanê xo muzîk, resim, boyax û kayî kay kerdî û vafirokî firrnayî.

'3 hezar gedeyî'

Serekê Daîreya Xîzmetê Sosyalî Serkan Demîrkiran dîyar kerd ke bi na çalakîye xo resnayo 3 hezar tutan û va, “Do çalakîyê ma dewam bikê.”

'Kamca de domanêk est bibo, ma do xo biresnê'

Demîrkiranî wina dewam kerd; “Ma sey Şaredarîya Amedî ya Şaristanê Girdî kamca de domanêk est bibo ma do xo biresnê înan. Ma do qeza û dewan ra zî nê xebatê xo bikê.”