Taximê ma yo voleybolî yê cinîyan, musabeqa de ke Taximê Voleybolî yê Cinîyan ê Merînos Gazîantepî reyde kerdbî 3-0 bî serkewte û rayîrê Play-Offî de gamêka muhîme eşte.

Salona Sporî ya Koşkler de, çarçewaya Musabeqayanê Grûba Cinîyan a Lîga 2. de, Taximê Voleybolî yê Cinîyan ê Şaredarîya ma ke wareyê Serekîya Daîreya Xizmetê Ciwanî û Sporî de ameyo sazkerdene, mêmandarîya Taximê Merînosê Gazîantepî kerde.

Musabeqa ke terefdaranê taximê ma eleqeyêko gird mojnayî û piştî dayî taximê xo, Serekê Daîreya Xizmetê Ciwan û Sporî Çetîn Hasgumûş û Serekê Kulubî Baran Yilmaz û îdarekaran zî temaşe kerd.

Bi na serkewtene taximê ma puanê xo kerd 6 û Grûba Cinîyan a Lîga 2. de ke 11 taximî tede yê, vejîya rêza 3.

Taximê ma heftayanê ameyoxan de zî cehd keno reqîbanê xo zorê înan bero û xo Play-Offî rê amade bikero.