Bi wesîleya "18ê Kanûne Roja Barkeran" Midurîya Îdareyê Barkeran yê Wezaretê Karanê Zereyî çalakîyêk serrast kerd û Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî zî beşdarê no çalakîyê bî û "Ma bi şima Hêzdar î, ma temsîlê pawitişê heqanê penomberan î"vat.

Bi wesîleya "18ê Kanûne Roja Barkeran" Midurîya Îdareyê Barkeran yê Wezaretê Karanê Zereyî çalakîyêk serrast kerd û Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî zî beşdarê çalakîyê bî.Çalakî Merkezê Kultur û Kongre de serrast bî û Walî Guzelogluyî, Rekrorê Unîversîteya Dîcle Prof. Dr. Talip Gül, Hetkara Walîyê Zerrin Çay Beşikçi, Midurê Asayîşê Bajarî Şukru yaman, wendekaranê Unîversîteya Dîcle û barkeran beşdar bîyî.ÇalakÎ bi wendîşa Marşa Îstîqlalî û vindertişa hurmetî dest pêkerd u bi tîlavetê Qûran-î Qerîmî ame wendiş.Badê mojnayişê ke Midurîya Îdareyê Barkeran hadrekerdbî ame temaşekerdene.

Tirkîya heta nika 190 welatî ra 4 mîlyon ra zêdêr kesan rê bî welat

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî çalakî de qalîkerd û "Ewro na roja girîng de ma têhetamayişê şima ver zaf keyfweşî.Şima reng û dewlemendîye bajar û welatî ma yo.Tirkîya heta nika 190 welatî ra û 4 mîlyon ra zêdêr kesan rê bîyo welat.Tirkîya heme kesanê mazluman rê bî sey lîmanêko ewlehî.Tirkîya semedê cuyêko birûmet destê xo derg keno heme mazluman.Ma teyna mabenê cîhane de temsîlkaranê erje û ehleqî yî.Biewnîre ewro se ra 20 mîlyon penomber estê û ma se ra 20 penomberan rê wayîrî kenê.Tirkîya bi heme îmkananê xo desteg danê penomberan.Ma ewro Dîyarbekir de bi 35 hezar penomber ra pîya cuwenê.E endî bîyê leteyêko Dîyarbekirî.Şima bizonê ke heta haştî bêro welate şima tîya welate şima yo.Ma bi heme lijneyan û îmkananê dewlete semedê şima xebitiyenî.Ma do perwerdeyê gede û keyeyanê Înan ra bigîrê xeylê probleman çareser bikerê.