Hevşaredarê Bajarê Mezin ê Amedê Dogan Hatun, serdana Şaredariya Bajarê Mezin a Wanê kir û bi Hevşaredar Neslîhan Şedal û Abdullah Zeydan re hevdîtin pêk anî.

Hevşaredar Dogan Hatun ku ji bo beşdarî 14'emîn Fuara Turîzm û Geştê ya Rojhilatê Anadoluyê ya li Wanê hat lidarxistin bibe çû bajêr, Şaredariya Bajarê Mezin a Wanê ziyaret kir.

Hevşaredar Dogan Hatun di serdana xwe ya bi Serokê Odeya Pîşesazî û Bazirganiyê ya Amedê Mehmet Kaya re, têkildarî xebatên şaredariyan bi Hevşaredar Şedal û Zeydan re nêrînên xwe nirxand.

Piştî serdanê Hevşaredar Hatun seramîkên bi Sûrên Amedê diyarî Hevşaredaran kir, Şedal û Zeydan jî xalîçeyek diyarî Hatunî kir.