Hemşaredara Şaredarîya Amedî ya Şaristanê Girdî Serra Bucak beyanatê ke vera Şaredarîya Wanî ya Şaristanê Girdî de da, va ke ê do wayîrê Wanî bivejîyê û îşaret kerd ke "No qelebalix nîşan dano ke şar do heta peynî wayîrê nê têkoşînî bivejîyo."

Badê ke Hemşaredarê Şaredarîya Wanî ya Şaristanê Girdî Abdullah Zeydanî rê cezaya 3 serrî û 9 aşmî ameye dayene, Hemşaredarê Amedî Serra Bucak û Dogan Hatun şîyê nobedarîya ke ameye destpêkerdene. Bucak û Hatunî badê ke piştî da nobedarîye, beşdarê beyanatê rêxistinanê sivîlan û partîyanê sîyasîyan bîyî.

Bucak beyanatî de va ke serkewtiş û rûmetê ke 14 şaredarîyan pêrune girewtişî ra yeno, qet yew hêz nêeşkeno nêvîno û dîyuar kerd ke ê do heta peynî wayîrê Wanî bivejîyê. Aye hemverê sîstemê qeyumî de têkoşînê şarî yê demokratîk û aştîyane ra qisey kerd û va "binkewte ê yê, serkewte ma yê."