Şaredarîya Amedî ya Şaristanê Girdî emser destegê perwerdeyî yo ke seba wendekaranê ke neweyan kle ûnîversîte qezenc kenê dayo destpêkerdiş, hûmara wendekaran 3 hezar û 632î ra kerd 5 hezar û 235.

Serekîya Daîreya Xizmetê Sosyalî proje de, ê wendekarê ke 13ê Tebaxe ra ver Amed de ciwîyayê, unîversîteyanê dewlete yan zî programê bursa temame yê unîversîteyanê taybetîyan de ca girewtê û emrê înan 30î ra şenik o, seba înan destegê perwerdeyî dana.

Na çarçewa de, 6 hezar û 569 wendekaran seba destegê perwerdeyî muracaat kerdbî. Kontrolê yewinî de 3 hezar û 632 wendekarî, kontrolê dîyinî de zî 1 hezar û 603 wendekarî heqê destegê perwerdeyî girewt. Bi no qayde, hûmara wendekaranê ke destek gênê resayo 5 hezar û 235î.

Her di aşman de 5 hezar TL û pêro pîya 15 hezar TL destegê perwerdeyî, teqsîto verên aşmanê teşrîna verêne û kanûne de 5 hezar û 235 wendekaran rê ame dayene.

Kontrolê dîyinî de 1 hezar û 603 wendekarê ke heqê perwerdeyî girewto, bi SMS’î ameyî agahdarkerdene.