Vizêr ra bajar de vewre vara û ekîbê Şaredarîya Bajarê Girdî ya Dîyarbekirî semedo ke peyarayîran pak bikerê û rayîran abikerê xebatanê xo domnenê.

Ekîbê Şaredarîya Bajarê Girdî yê Dîyarbekirî semedê pakkerdişê vewre û solkerdişê cadeyan xebatanê xo domnenê. Semedo ke wa hemwelatî zehmetî nêancê û peyarayîran ser o rehet şêrê-bêrê ekîbê Serekîya Dayîreyê Pawitişê Doruverî ya Şareadrî cade û peyarayîran kenê pak.