Şaredariya Bajarê Mezin a Amedê, ji bo ku li bajêr şebekeya çûnûhatinê ya ewletir çêbike, xebatên nîşankirina rêyan dimeşîne.

Midûriyeta Gihandinê xebatên xwe yên ji bo hatûçûna bi ewletir a peya û wesayîtan li bulvar, kuçe û kolanan didomîne.

Li ser 13 kîlometre rê dixebitin

Ekîban li ser rêya 13 kîlometre ya navbera Kolana Musa Anter û Kolana Elezîzê ya li ser Bulvara Mezopotamyayê xetên rê yên çilmisî û windabûyî nû kirin.

Sîstema termoplastîk

Di xebatan de boyaxa termoplastîk hat bikaranîn ku xetên rê ji peya û ajokarên wesayîtan re zêdetir xuya bikin.

Xebat dê dewam bikin

Xebatên xêzkirina rêyan dê li bulvar, kuçe, kolan û peyarêyên ku asfalta wan temam bûye li seranserê bajêr dewam bike.