Xozo ke Taxa Awbulake ya girêdayeya Qeza pasûrî de kewtbî bîr, hetê ekîbê Şaredarîya Amedî ya Bajarê Girdî û AFADî ra ame xelisnayene.

Şarî ke Taxa Awbulake ya girêdayeya Qeza Pasûrî ya Amedî de bîrê awe de xozêk dî, rewşe ekîban rê xeber da. Vengdayîşî ser o ekîbê Serekîya Daîreya Îtfaîye ya Şaredarîya Bajarê Girdî, Şaredarîya Pasûr û AFADî şîyê taxa dewe û seba ke xozî bîrî ra bixelisnê dest bi xebatêka zehmete kerd.

Xebate de ke seba hal û varayîşê hewayî zehmet vîyarte, ekîban resne eşt bîrê 8 metreyî û şîy war. Ekîban, xozo ke resne girê da, bîrê awe ra vet.

Xozo ke hetê ekîban ra ame xelisnayene, reyna tebîetî de ame verdayene.