Şaredarîya Şaristanê Girdî, beytanê şaîranê pêşengan ê edebîyatê kurdkî seba biasîyê xebatanê xo dewam kena.

Şaredarîya Amedî ya Şaristanê Girdî, beytanê şaîranê pêşengan ê edebîyatê kurdkî seba ke biasê ebatanê xo dewam kena. Çarçewaya xebatan de cade û kuçeyê şaristanî bi tabelayanê ke ser o şîîrê kurdkî est ê, xemilîyenê.

Çarçewaya proje de ke hetê Şefîya Pawitiş û Averşîyayîşê Ziwanan ya girêdayeyê Serekîya Daîreya Xebatanê Kulturî û Sosyalan ê Şaredarîye ra yena berdene, dîreganê elektrîkî yê Cadeyê Gazî ser o beytê şaîranê muhîman sey Ehmedê Xanî, Feqîyê Teyran, Melayê Cizîrî, Pîremêrd û Hecî Qadirê Koyî ameyî ronayene.

Şefê Pawitiş û Averşîyayîşê Ziwanan Tahîr Baykuşakî dîyar kerd ke proje bi munasebetê 15ê Gulane Rojê Ziwanê Kurdkî ra dest pêkerd û vat ke ê wazenê kurdkî kuçe û cadeyanê Amedî de biasê. Baykuşakî îfade kerd ke na xebate tena "xemilnayîş" nîya, îfadeyêka wayîrvejîyayîşê kurdkî û edebîyatê ma yê kurdkî yo.