Seba ke ma problemanê qezayanê dewan cayê xo de tesbît bikerê û çare peyda bikerê, Hemşaredarê ma Dogan Hatun, Qezaya Karaz zîyaret kerd.

Hatun, hetê Hemşaredaranê Şaredarîya Karaz Hanim Altındag û Mehmet Şikî ra awanîya şaredarî de ame pêşwazîkerdene.

Hetê hemşaredaran ra derheqê xebatan de ke qeza de yenê kerdene, melumat ame dayene. Hatunî seba çareserîya probleman serekê daîreyanê eleqedaran wezîfedar kerdî.

Zîyaretê şaredarî ra dima Hatunî şûbeyê DÎSKÎ û Îtfaîye yê Karaz zîyaret kerd û derheqê xebatan de melumatî girewtî û waşt ke qeza de waştişanê şarî rê lez cewab bêrodayene.