Şaredarîya Amedî ya Şaristanê Girdî, 1-7ê Nîsane Hewteyê Kanserî de Komelê Têkoşînê Kanserî reyde Ciwîyayîşo Newe yê Dîyarbekirî zîyaret kerd.

Serekê Daîreya Xizmetê Astengdar û Pîran Îsmaîl Degîrmencî û ekîbê ey ke ameybî, Şefîyê Şûbê Nêweşîyanê Nadîr û Kronîkî, nêweşê kanserî zîyaret kerdî û heqê nêweşîyan ra waştiş û pêşnîyazê înan qeyd kerdî.

Degîrmencî qiseykerdişê xo de va ke ê problemê astengdarî û weşîye ser o hetê heqan ra nêzdî benê. Ey behsê tetbîqê "Taksîyê Sosyalî" zî kerd û va ke merdim nêeşkeno nêweşîya kanserî rê bêeleqe bimano û nêweşê kanserî vasiteyê resê komkî de rîska enfeksîyonî de yê.

Serekê Komelî Şukru Abay va: "Ewro heme ma rê rojêko tewr taybet û rind o. Ma nê rojî sey destpêkê çarekerdişê problemanê xo vînenê. Ma înan rê sipas kenê ke ameyî ma zîyaret kerdî."