Hemşaredaranê Bajarê Girdî yê Amedî Serra Bucak û Dogan Hatunî, Hemserekê Dem Partî yê Pêroyî Tulay Hatîmogullari û Tuncer Bakirhan kerdî mêman.

Hemserekanê Dem Partî yê Pêroyî Tulay Hatîmogullari û Tuncer Bakirhanî Şaredarîya Bajarê Girdî yê Amedî zîyaret kerd. Hemserekê Dem Partî yê Pêroyî bi parlementer û endamanê MYK û PM'yî ameyî zîyaretê Şaredarîya Bajarê Girdî yê Amedî. Hemşaredaranê Bajarê Girdî yê Amedî Serra Bucak û Dogan Hatunî awanîya xizmetî de ê kerdî mêman.

Bucak: Ma sereberz ê ke hemserekanê xo kenê mêman

Zîyaretî de Hemşaredare Serra Bucak qisey kerd û nê çîyî vatî: "Ma zaf sereberz ê ke hemserekanê xo, parlementeranê xo, û endamanê MYK PM'yî bi hemşaredaranê 13 qezayan kenê mêman. Şima bi xeyr ameyî û ma şima rê sipas kenê."

Bakirhan: Şaredarîyê ma do bibê layîqê şarî

Hemsereko Pêroyî Bakirhanî zî Hemşaredarî pîroz kerdî û wina va: "Sere de Şaredarîya Bajarê Girdî yê Amedî û heme şaredarîyê ma do bibê layîqê şarê xo. Ma naye ra bawer kenê."

Hatîmogullari: Şaredarîya demokratîk û şefafe

Hemsereka Pêroyî Tulay Hatîmogullari zî wina va: "Şarê ma layîqê şaredarîyanê demokratîk û şefafan o. Sere Amed û heme şaredarîyê ma yê bînî zî do bi hewayêko Demokratîk û şefaf karê xo bikerê."

Hemserekan zîyaretî de şampîyonîya Amedsporî zî pîroz kerd.

Hemşaredaranê Bajarê Girdî yê Amedî hemserekan rê tabaxa sifirên kerd dîyarî ke ser o sembolê Amedî ameyî neqşkerdene.