Rêveberiya Giştî ya Îdareya Av û Kanalîzasyonê ya Amedê (DÎSKÎ), bi armanca bersivdana hewcedariya ava vexwarinê ya paşerojê li deverên ku li navçeya Peyasê ava dibin, çêkirina xeta nû ku li Cadeya Leyla Qasim dabû destpêkirin temam kir.

Di çarçoveya xebata ku ji aliyê tîmên Birêveberiya Şaxê ya Dabeşkirina Ava Vexwarinê ya Serokatiya Daireya Ava Vexwarinê ve hat birêvebirin de, li seranserê cadeyê nêzî 400 metre xeta nû ya ava vexwarinê hat raxistin.

Bi temamkirina xeta nû re, ji bo gihîştina ava vexwarinê ya xaniyên ku tê plankirin li herêmê bêne çêkirin, binesaziya pêwîst hat amadekirin. Ev xet dê piştevaniyê bide dabînkirina daxwaza avê ku bi zêdebûna avahiyan re çêdibe û wê kapasîteya xizmetguzariyê ya binesaziya ava vexwarinê ya herêmê zêde bike.

Xeta ava vexwarinê berî çêkirina rê hat temamkirin

Çêkirina xeta ava vexwarinê ya DÎSKÎyê, ligel bernameya çêkirina rê û raxistina asfaltê ya Serokatiya Daireya Koordînasyona Binesazî û Çêkirin, Venêrtin û Temîrkirina Rêyan a Şaredariya Bajarê Mezin a Amedê ya li Cadeya Leyla Qasim bi awayekî hevaheng hat pêkanîn.

Bi temamkirina xeta ava vexwarinê berî çêkirina rê, rîska kolana ji nû ve li ser heman rêyê piştî raxistina asfaltê hat kêmkirin. Plankirina hevaheng alîkarî da ku çavkaniyên giştî bi awayekî bibaşî bên bikaranîn û sepandinên Binesazî û seravaziyê bi rengekî ku hevdu temam bikin birêve biçin.

Hewcedariya avê ya cihên nû yên niştecîhbûnê berî avahîçêkirinê hat pêşbînîkirin

Rêveberê Şaxa Dabeşkirina Ava Vexwarinê Mesut Anar zanyarî li ser xebatê dan û diyar kir ku di geşepêdana saxlem a bajaran de divê Binesazî bi berçavgirtina meyildariyên nifûs û avahîçêkirinê yên paşerojê bê plankirin. Anar anî ziman ku di rêveberiya avê de li dewsa rawestina heta çêbûna daxwazê, pêşbînîkirina hewcedariya paşerojê ji bo bikaranîna çalak a çavkaniyan diyarker e û wiha axivî:

“Pêşbînîkirina rêça geşepêdana avahiyan li herêmekê û daxwaza avê ku dê ji vê derkeve holê, yek ji hêmanên bingehîn ên plankirina binesaziyê ye. Xeta ku me li Cadeya Leyla Qasim temam kiriye, bersiva vê nêzîkatiyê ye di qadê de. Berî ku çêkirina rê temam bibe me binesaziya ava vexwarinê amade kir û ji bo hewcedariya paşerojê ya niştecîhiyên nû Binesazî ava kir. Plankirina hevdemî ya meyildariya geşepêdana bajar û binesaziya avê, ligel ku kolanên zêde û lêçûnên paşerojê kêm dike, alîkariyê dide rêveberiya maqûltir a çavkaniyên avê jî.”